|
by Ni Macario D. Tiu/MindaNews
|
|
Tuesday, 24 November 2009 22:17 |
DAVAO CITY (MindaNews/Nobyembre 24) -- Kardo: “Sa kataposan, Pre, kitang mga Pinoy respetoon na gyod sa tibuok kalibotan.”
Berto: “Respetoon ta sa tibuok kalibotan? Ngano man, Pre?” Kardo: “Sus nimo, Pre. Si Paquiao!”
Berto: “O, ngano man diay si Paquiao? Unsay kalabotan ana sa pagrespeto sa tibuok kalibotan sa mga Pinoy?”
Kardo: “Sus, Pre, siya ang una ug bugtong boksingero nga nakaangkon og pito ka titulo sa pito ka nagkalain-laing weight division sa boksing!” Berto: “Unya?” |
|
|
by Macario D. Tiu/MindaNews
|
|
Sunday, 25 October 2009 00:06 |
|
DAKBAYAN SA DABAW (MindaNews/24 Oktubre) -- Bag-o lang nahuman ang Bisaya Fiction Contest nga gipasiugdahan sa Davao Writers Guild (DWG) ug National Commission for Culture and the Arts (NCCA). Kining kontes gibuksan niadtong Agosto 2009 ug gitak-op niadtong Septiyembre 15, 2009. Ang mga mananaog: Unang Ganti, Raul Moldez nga taga Cagayan de Oro City, alang sa iyang sugilanong “Ug Mingiob ang Kagabhion”; Ikaduhang Ganti, Brian Charlo Ang, taga Davao City, alang sa iyang sugilanong “Kadula”; ug Ikatulong Ganti, Javin Jet Tevar, estudyante sa UP Mindanao AB English (Creative Writing), alang sa iyang sugilanong “Mga Dalan sa Downtown.” |
|
|
by Macario D. Tiu/MindaNews
|
|
Monday, 17 August 2009 15:43 |
|
DAKBAYAN SA DABAW (MindaNews/Agosto 16) -- Dihang gipangutana ko sa usa ka estudyante kon unsay akong ikasulti mahitungod kang Cory Aquino, ang madali-dali nakong tubag mao nga mora siyag si Gabriela Silang. Ako nang nasulti tungod kay nasayod ko nga si Gabriela maoy mipadayon sa pakigbisog sa iyang banang si Diego dihang kini namatay. Mao man sab nay nahitabo kang Cory. Dihang giasasineyt ang iyang banang si Ninoy, si Cory maoy mipadayon sa iyang pakigbisog batok sa diktadurang Marcos. Daghan pa unta koy isulti sa estudyante pero miingon ko nga morag nasulat na man tingali tanan? Sukad sa pagkamatay (Agosto 1, 2009) ug paglubong ni Cory, wala nay unod ang TV ug mga mantalaan kondili ang iyang kinabuhi ug mga pakigbisog nga nagpakita sa iyang kamabayanihon. |
|
|
by Macario D. Tiu/MindaNews
|
|
Monday, 29 June 2009 06:50 |
|
DAKBAYAN SA DABAW (MindaNews/Hunyo 28) -- Makalingaw kining pagkapukaw sa interes sa atong kaugalingong mga pinulongan. Sa han-ay sa mga Bisayista, daghang mga isyu ang gilalisan, gikan sa espeling ngadto sa pagka lunsay kun “puro” sa mga pulong. Mao gyod nay mahitabo kon gusto tag estandardisasyon sa atong pinulongan. Kining Bisaya man ugod o Binisaya daghay dayalekto. Dili lamang kini pinulongan sa taga Sugbo ug Bohol, pinulongan usab kini sa pipila ka lugar sa Negros, Samar, Leyte, ug Mindanaw, ug dili kalikayan ang ginagmay ug dinagkong pagkalain-lain. Bisan pa, maisip lang gihapon silang usa ra ka pinulongan, sa batakang punto nga magkasinabot ang mga tawo kon mag-estoryahanay sila gamit ang ilang tagsa-tagsa ka dayalekto. Sa tinuod lang, ang Bisaya mao ang kinadak-ang pundok sa mga netibong mamumulong (native speakers). Mas daghang Bisaya kaysa Tagalog, bisan tuog mas daghang Pinoy ang kahibalong mosulti og Tagalog kaysa Bisaya. |
|
|
by Macario D. Tiu/MindaNews
|
|
Sunday, 07 June 2009 02:02 |
|
DAKBAYAN SA ILIGAN (MindaNews/06 Hunyo) -- Giila ang dakong kontribusyon sa Iligan National Writers Workshop sa pag-ugmad sa mga rehiyonal nga lengwahe sa Pilipinas pinaagi sa pagdawat og mga sinulat sa nagkalain-laing lengwahe gikan sa mga batan-ong magsusulat aron kritikon sa hanas nga mga magsusulat sa nasod. Sa ika-16 nga Iligan writers workshop nga gitigayon niadtong Mayo 24-29, 2009, adunay mga tampo nga gisulat sa Iningles, Sinebuano, Hiligaynon, Tinagalog, Chavacano, ug Winaray! Lupig ang Davao Writers Workshop nga limitado lamang sa mga sinulat nga Tinagalog, Sinebuano, ug Iningles, samtang ang Silliman Writers Workshop modawat og lunlon Iningles lang nga mga tampo sulod sa dugay nang panahon. |
|
|
by Macario D. Tiu/MindaNews
|
|
Thursday, 04 June 2009 11:19 |
|
DAKBAYAN SA DABAW (MindaNews/3 June) -- Nakaila nako si Dadong sa bridging program alang sa mga bag-ong hayeskol gradweyt nga gustong moeskuyla sa Ateneo de Davao University. Espesyal ni nga bridging program tungod kay ang mga estudyante pulos mga Moro ug Lumad. Ideya kini ni Fr. Albert Alejo, SJ, (Paring Bert) ug sa gipangulohan niyang Mindanawon Initiatives for Cultural Dialogue (Mindanawon) aron hatagan og kahigayonan ang mga Lumad ug Moro nga makaeskuyla sa Ateneo. Ug aron sila makasulod sa Ateneo, kinahanglan silang makapasar sa entrance exam. Sa maong katuyoan, pipila ka magtutudlo, usa na ako niini, ang mihatag og lektyur sa mga aplikante sa bridging program nga gitigayon sa bakasyon sa ting-init upat ka tuig na ang milabay. Human sa programa, gipakuha na ang mga estudyante og entrance exam ug usa si Dadong sa mga nakapasar ug nahimong eskolar sa Ateneo. |
|
|
