DAVAO CITY (MindaNews/17 November) -- Masubo nga panghitabo, mangilngig ug makapanglimbawot sa balahibo!

Diri sa Pilipinas, ang malakanyang, senado, ug kongreso usa sa mga lugar nga gwardyado. Adunay nakatagtag nga mga police o military. Apan niadtong Martes sa gabii, mitay-og ang tibuok Pilipinas tungod kay aduna may bomba nga mibuto sa sulod mismo sa lugar nga gisakapupan sa kongreso ug mikalas sa upat ka kinabuhi. Usa kini ka lugar nga ang mga hangldong tawo sa Pilipinas nagakatigum.

Una makapangutana ta nga naunsang panghitabua nganong nahitabo man ni didto mismo? Unsa diay ang mga gwardya? Unsa diay ang mga gibutang nga mga police o military? Kung ingon niini nga kahimtang diin mismo sa atong mga gihuna-hunang pinakasepti nga lugar dili man diay septi, unsa na lang kaha ang mga lugar sa mga simpleng tawo.

Adunay upat ka kinabuhing nahunos. Usa ka kongresista, driver, ug mga staf. Adunay mga nasamdan ug naapil niini si Gabriela Representative Luz Ilagan. Dili kita makatuo apan nahitabo gyud.

Ang pangutana kinsa man diay nag nagbuhat sa usa ka teroristang binuhatan? Adunay gibuhat ang PNP nga pag-raid sa mga tawong gidudahan. Apan, daghan ang dili makatuo tungod sa kapaspas sa giingon nga embistigasyon. Adunay nagaingon nga planted ang mga armas nga nakita didto sa lugar nga diin nakita kuno ang mga nagpasiugda sa pagbuto sa bomba. Ang tanan PNP lang gyud ang nasayod, tinuod man o bakak ang tanan.

Makapangutana kita sa atong kaugalingon, kita dili kaha ta mamahimong biktima usab sa mangilngig nga sitwasyon. Kay mora ra bag bisan asang lugar sa Pilipinas makuyaw na.

(Ang MindaViews ang seksyon sa opinyon sa MindaNews. Si Jelieta E. Mariveles-Ruca bag-o lang migradwar sa iyang PhD sa University of Southeastern Philippines. Aktibo siya sa Gabriela ug sa Alliance for Concerned Teachers.)

---

Share this story through the following Social Media sites: