kada bulan sa Mayo
ang Mindanao molutaw gamay
ug ang Bohol mounlod diyutay
kay bulan sa fiesta
mga sano ug sana manguli
panahon sa reunion ug kumbira
Ako nisakay sa barko kausa
Hesus Santamaria!
namulak og pasahero
ang pantalan
dili gyud kapugngan
mga kababayan
bisan pag kilatan
ajaw gajud pugngi
naghinam-hinam nang mobayle
mohigop sa preskong isdang sabaw
mag-swimming sa panglao
bitbit ang lamaw
sa chocolate hills magpa-picture
dili kumpleto ang adventure
kung dili mahimamat ang ancestor:
ang tarsier sa sanga’ng ningkapyot
grabe gyud ka cute
sa loboc river maniudto ug mag-party
lingaw kaayo ang paryenti
Sus, kalami gyud forever mo-stay
pero unsaon mouli man jud
sa Mindanao kay mingaw man gamay
pero ok lang kay bringhouse kalamay.