WebClick Tracer

TINGOG SA SUBA: Si Pablo

pastilan si Pablo

dili magtarong

kung asa padulong

 

dili motuman

sa iyang direction

wala kabantay intawon

ang uban hinuon

 

pero mao lagi

dili gyud mo-kumpyansa

bisan asa ka dapita

kay kinsa ba’y makatagna

sa bagyo’ng dili mabana-bana

 

sa nagpadulong pa si Pabs

kada oras nag-check sa watch

kabalisa dili maitsa

hinaut unta mosaylo siya

bisan asa, dili lang diria

 

pero unsaon ta man

sa tunga-tunga sa mindanao

man gyud type niya

nanghasik ng lagim

dili gayud lalim

 

ipangutana pa ba

kung kini kabahin sa climate change

please lang, karong panahona

dili na ni strange

 

maayo na lang ang uban naka-andam

namakwit gilayon, sa evacuation center nanagan

subo, bisan dunay mga kinabuhing nakalas

ikumparar sa una, karon dili tanto dimalas

unta sa sunod, kung duna man

wala na’y maugtas.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

 

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback