WebClick Tracer

TINGOG SA SUBA: Ulan, Ulan

wala na ma’y undang
ang bunok sa ulan

ulan sa hapon
ulan sa kaadlawon

ulan sa paniudto
ulan ting-panihapon

‘di na ko ganahan maligo
kay tugnaw kaayo

siguro nanimaho na ko
pasensya na mo

sa among balay
tulo mi ka tawo
gi-sip-on ug ubo
hasol kaayo

ang Haring Adlaw
kadiyot ra’ng motumaw

pulihan dayon
sa mabagang dag-om
di gyud ka kapahiyom

unsa naman ni oi!
maka-hunahuna naman lang ‘ta

nga mobalhin
sa laing planeta

bahalag mapagtong ang panit
didto sa kainit

kay sa mag-antos
sa baha, Jesus!

(MindaViews is the opinion section of MindaNews. Ramon Jorge B. Sarabosing is a writer and artist based in Butuan City)

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback