WebClick Tracer

TINGOG SA SUBA: Ang Tangkal ni Lolong

Karong tigok na si Lolong
daghang nangutana ning usbong

kinsa’y ipuli sa iyang tangkal
nga bermuda grass ug swimming pool

nindot didto mag-sun bathing
tapad sa Palm tree mag-smoking

kung dunay mga turista
mag-waving-waving
perfect for ego-tripping

di man pud dali sila
makadakop og buayang lain

busa maghuna-huna na lang
og pag-pangita og ipuli
kanang feeling celebrity

daghan man na dinhi sa ‘Pinas
pagpangita dili ka maugtas

sa congress, city hall ug capitol
ug ubang ahensya for sure

busa aron tangkal dili mabakanti
manakop na sila bisan paryenti

kay sayang ang income
lungsud dili na unya mabulahan.

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback