kaluoy sa among silingan
wala na intawon hingkit-an
apan padayong gipangita pa
manghinaut nga luwas ra
ang kaguol walay sama
natagamtaman sa pamilya
dili makatulog, balisa
ug magpangutana,
nganong siya pa
daw dili ka makatuo
nga sa kalapad sa dagat
duha ka barko
magbangaan pa
alaot intawon mga pasahero
mga bata, tigulang
naninggit sa kalisang
nagpakitabang
apan abtik ang kadagatan
gilamoy sila gilayon
unta ang ilang spiritu
sa langit paingon.
(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)
