TINGOG SA SUBA: Pahimangno sa Panahon
By Ramon Jorge B. Sarabosing
Kanato ang Pag-Asa nagpahimangno
sa panahon karong dili matino
bagyo ug adlaw’g gabiing ulan
angay’ng pangandaman
dili gyud mabangbang
baha, gutom, kalisod
sa katawhan moatubang
asa man unya kita dagan?
bisan nanobra ang tubig
pero lisod ang mainom
hugaw, lapok moawas sa gripo
unsaon, ang kabukiran kalbo
dakong peligro
kung bagyo ug habagat magdungan
impas ang humayan
ampo na lang tang tanan
katunga ini sa tawo binuhatan
busa magmatngon
igsoong Mindanawon.
(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)