TINGOG SA SUBA: Pacman’s Tax Exception

Ambot asa gibutang
utok ning ubang tongressman
ipa-exempted sa income tax
si mighty Pacman

asa ka manangkong
bilyonaryo dili pabayron
pero ang naghigwaos sa kalisod
walay exception

bisan pa og world champion
tigbaligya og chicharon
tigtulod og kariton
kinahanglan walay pabor-pabor
patas ang tanan
dili ba, mayor?

kay singot ug paningkamot
sa tanan adlaw-adlaw gikab-ot
bantay mo, daghan magmug-ot

pero kung gusto gyud nila pahalipayan
ngano dili man hatagan
og plaque of achievement
gikan house of kawa++++
basin sila witkan
tag one billion lang

okey ba, tongressman?

URL: http://www.mindanews.com/mindaviews/2013/12/07/tingog-sa-suba-pacmans-tax-exception/


Instagram #OurMindanao

Related Posts