TINGOG SA SUBA: Midnight Sale

ngano ba nga
Midnight Sale tawag nila
mura ra man walay depirensya

20% kuno ang bawas
pero ta’g 300 man gihapon tsinelas

ang akong t-shirt puwedi ra 150
pero sa midnight sale ta’g 350

branded man gani ang dating
CK – Cavite Kamiseta
YSL- Yari sa Laguna

O di tan-awa
sa mga kugihang taga-probinsya
nakatabang ka pa

sa midnight sale
arang guota
taas pa gyud ang linya

pero sa uban ok ra
duna’y bonus nga saligan
kay ang 13th month pay
adto sa party uban silingan

pagka-happy sa makadawat niini
ambot lang ‘mi
kung naa ba’y pang-macaroni

kung wala,mahulog ra gyud
ni sa mani.

URL: http://www.mindanews.com/mindaviews/2013/12/11/tingog-sa-suba-midnight-sale/


Instagram #OurMindanao

Related Posts