WebClick Tracer

TINGOG SA SUBA: Bonus

Kalami ‘ning makadawat ta og bonus
bahala’g gamay,pang-palit og sapatos

o di ba kaha pang-night-out, kkb
tagay-tagay, tutal dili man permi

pang-palit pud og libro
o kaha bugas, usa ka sako

wala lang sa’y sine
wa’y nada ang salida
usik-usik lang kung Vice Ganda

duna’y nagpapalit og lechon
bisan taas ang alta-presyon
hinay-hinay intawon
basin kalit kang
masulod sa pantyon

wala’y undang ang reunions
tapok-tapok, mag-sing-along
mabuntagan sa pag-uli
di na kamata
panahon sa ting-simba

palihog ayaw tago sa mga kinugos
ayaw pud ipakita nga ikaw napugos
bahalag biente pesos
pasagdi kung nakaminos

dili kinahanglan bongga ang handaan
ang importante magka-uban ang tanan

kay lagi pasko man
magpasalamat sa Diyos hingtundan.

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback