TINGOG SA SUBA: Ting-ulan

Ting-ulan na sa amoa
ang mga bata natingala
nganong aduna pa’y eskuwela

ingon man gud kuno sa radio
kung walay undang ang ulan
automatic, suspend ang klase
pagka-aligre!

unya kay usa ra ba ni
ka bulan ang ulan
di, bakasyon grande
diay ang kabataan
diretso sila sa computeran

mohunong kadiyot ang ulan sa sinulog
dili mahimo ang pit senyor mabulabog
pono ang simbahan ug grandstand
pangaliya ug katawa magdungan
hinaut mahilangit ang tanan

pag-abot sa katapusan sa bulan
chinese new year na pud atangan
maayo unta’g di mugara ang ulan
aron boto-boto na pud sa kalangitan.

(MindaViews is the opinion section of MindaNews. Ramon Jorge B. Sarabosing is a visual artist and writer based in Butuan City.)

URL: http://www.mindanews.com/mindaviews/2014/01/08/tingog-sa-suba-ting-ulan/


Instagram #OurMindanao

Related Posts