TINGOG SA SUBA: Aga, is that you?

Niaging bulan dinhi si Aga Muclach
daghang fans ang na-excite
picture picture sa fb
very very happy

karon, laing Aga ang ning-bisita
pero mura mang nangulata
wala gyu’y konsiensya

intawon ang mga tulay
nanghugno daw giatay
nag-landslides ang kabukiran
purhisyo sa kadalanan
dunay pipila intawon nga natabonan

delikado ang kasubaan
sulog ug ninglapaw sa kabarangayan
alsa-balotan ang katawhan
nanagan sa eskwelahan

pero ambot ba
nanobra ang ulan
walay agas ang gripo
aguy water district
unsa ni nga tinonto

pista ni Sto. Nino karon
ambot ang indak-indak
sa playground nadayon
pero siguro tawgon
Baha ug Wet Dancing competition?

Arang tugnawa ra ba
hangin-hangin pa
kung moabot gani ni
og usa pa ka semana
mobakwit na gyud ko sa Romania.

URL: http://www.mindanews.com/mindaviews/2014/01/20/tingog-sa-suba-aga-is-that-you/


Instagram #OurMindanao

Related Posts