WebClick Tracer

TINGOG SA SUBA: Ang Nabahaan

Ambot ba ning uban
maghulat pa og katalagman
kung dili ang balay malapawan
mao pa’y ibakwit, sa rescue team magpahapit

bisan gi-ingnan nga manghawa kay delikado na
magpa-buta-bungol pa
timailhan nga wala’y disiplina

mga gahi gyud og ulo, ingon ni kapitan
kalami ninyo sa libintador pabuthan
kay pastilan, aron walay kinabuhi nga makabsan

nagahatag lang og purhisyo
sa autoridad dugang trabaho
batasan nga dili insakto

kinahanglan pud karon istrikto
wala na’y panimalay nga tukoron
sa mga lugar nga delikado

political will ang kinahanglan
gikan sa panggamhanan
kay wala gyu’y kapaingnan
problema magbalik-balik lang

alang-alang man kada bagyo
kanunay na lang mag-alsa balotan
kahago ug kahasol man

busa kinahanglan hinuktokan
ang hagit aron walay dautang mahiagoman.

(MindaViews is the opinion section of MindaNews. Ramon Jorge B. Sarabosing is a visual artist and writer based in Butuan City.)

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback