WebClick Tracer

TINGOG SA SUBA: EDSA

Ang akong barkada
iyang anak gi-nganlan og Edsa
natawo sa pag-alsa balotan
ni Ferdie ug Imelda

Daghang tuig ang milabay
dalaga na si Inday
ug sa Saudi molargahay
manimpalad aron
iyawat maharuhay

Kaniadto ug karon parehas ra
sa kalisod nagbaguod gihapon

Sayang ang paningkamot
bisan tuod diktador napalagpot
pamolitiko nagpabiling dunot

dynasty grabe’ng ningsamot
mga baga’g nawong di mahilot

Singgit kaniadto sa tanan kabag-ohan
pero ambot sa Lord
nganong wala matuman

nagbagulbol na ang katawhan
pero apil man pud sila sa hinungdan

Kanus-a kaha makab-ot
ang damgo sa Edsa
siguro kung tanang Pilipino
tinud-aray nang magbag-o.

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback