Kung sa syudad sa Butuan ka torista
ayaw gyud sipyata
ang National Museum pag-bisita
Bag-o ug moderno na kini
mapasigarbo puwerti
ang bulawanong kagahapon
wala’y susama sa ingon
halos dili matugkad
ang kalalom sa kadugayon
niini nga mga panahon
katuiganang pilo-piloon
wala pa gani matawo
si Magellan
Dinhi maaninaw mo
ang unang dugong PilipinoBahandianon, maisog, makatarunganon
mao usab kini ang simbolo sa Balangay
nga dinhi mo lang makita
gasa ug kabilin ni Magbabaya
kay daghan man karon ang ofw
dala-dala unta nila
ang garbo sa dugong Pilipino
Niining bahina
ang National Museum
usa ka malig-ong instrumento.
(Ang MindaViews ang seksyon sa opinion sa MindaNews. Si Ramon Jorge B. Sarabosing us aka artist ug manunulat sa Dakbayan sa Butuan)