TINGOG SA SUBA: Peace, Peace, Peace

Mao ni ang higayon nga atong gidamgo
nga unta ang peace agreement mao
na gayod ang tinuod nga instrumento

dugay’ng panahon nga kita nag-antos sa kagubot
tungod sa garbo ug dili magkasinabot

Angay hinumduman nga kita gikan
sa usa ka tribu lang
parehas ang ginikanan
mao ra ang padulngan
nganong mag-away man?

Kaanindot paminawon
sa katapusan ang duha ka igsoon
masud-ong unya mga pahiyom
ang ugma mabulukon

Ang mga anak sa sunod henerasyon
mopanday na dayon
sa tinuoray’ng kooperasyon

aron mawagtang na ang kawad-on
ug ang Mindanao magmalinawon.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

URL: http://www.mindanews.com/mindaviews/2014/03/26/tingog-sa-suba-peace-peace-peace/

Related Posts