Graduation day na!
si Dodong ug Inday sa stage mo-linya
aron pagkuha sa diploma
Si mama ug papa nagpahiyom
bisan sa kainit, hapit na ninglagom
mga sakripisyo dili basta-basta
molampos lang bisan lisod kuwarta
Pila ka kabtangan na prenda
kada exam, bahala na
salamat na lang si Dodong dili bolakbol
ug si Inday wala’y hassle
pero ambot kung maka-trabaho ba dayon
kay ang utang nagpatong-patong
dili lang pud unta mag-minyo gilayon
kay mga manghod unya tabangonon
Busa happy graduation sa tanan
dili lalim gyud ang gi-agian
mag-ofw lang unya sa Oman
aron impas ang mga utang.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)
