TINGOG SA SUBA: Sa paglakaw ni Nanay

Karong adlaw ni nanay
gihandum kanunay
bisan siya ningpahulay.

Wala na tuod siya
apan dili ako matingala
kung may Alibangbang
karon ug unya mobisita.

Ang Kalachuchi nga iyang tinanom
sa dugay’ng panahon
walay undang ang pamulak
bisan gani natabonan na sa truck.

Dili hikalimtan ang mga langgam sa simbahan
kaniya nag-alirong, naghulat sa kan-on
nga iyang isabwag sa oras sa ilang kagutom
adlaw ug hapon
mao kini ang iyang obligasyon.

Sa adlaw sa iyang paglakaw
mibundak ang dakong ulan
ug sa dalan
nagtampisaw ang mga langgam.

(MindaViews is the opinion section of MindaNews. Ramon Jorge B. Sarabosing is a visual artist and writer based in Butuan City)

URL: http://www.mindanews.com/mindaviews/2014/05/12/tingog-sa-suba-sa-paglakaw-ni-nanay/

Related Posts