Angay pa ba diay ikatingala
bisan gani bibingka
tag-otsinta ang tagsa
sa pang-gobyerno’ng kuwentada
ayaw na pangutana
mga doctor ni sila
sa magic expert
expert sa pang-limbong ug kurakot
mao ni laro sa dynasty’ng dunot
Busa kung ang bag-ong city hall,
tulay o barangay hall overprice
hibalo ka na kinsa’y nakakuha sa prize
kunohay duna sila’y give-away
birthday cake, paypay o panty ( excuse me )
lipay pud intawon mga pobre
( sa sunod election ayaw kalimte)
Unya kung ma-imbestigahan
dili klaro ang panagang
halata na hinuong sad-an
dayon sa katawhan magpalaban
kay kuno gitabangan
Hastilan!
dramang wala’y hinungdan
