Kung ikaw idaran, ayaw pag-tugatuga
palit og celfone nga touchscreen
kay puwerti ka hasol
mura ka’g nag-back to school
magbasol kang nag-enroll
mura pud ka’g nadakop og manok-ihalas
nah! ka-dakong dimalas
Ingon nila
takes time daw kini maila-ila
mura ba’g higala
pero ambot ba
maulit naman hinuon ka
maayo pang karaan sa una
dali og wa’y libog pa
Bahala’g ingnon nila’g antik
pero sa kadali abtik
Basta, sa touchscreen ayaw gyud paatik
kay imo ulo kurawon gyud
mura’g latik
adto na lang sa nokia
guaranteed sayon ug happy ka.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)