HABAGATNONG HINAGAWHAW: Latagaw sa Mindanaw

Want create site? With Free visual composer you can do it easy.

B’laan ug T’boli
hawod nga mag-Hiligaynon.
Subanen o Subanon
sa pag-Tinagalog dilì papiri
ug labaw na sa Binisayâ syempre.
Teduray pod nga larino
molitok og Inilonggo.

Gikan sa Habagatang Cotabato
ngadto sa Gutalac ug Leon Postigo
ug lahos pa sa Upi sa Maguindanao,
sa lain-laing pinulongan akong napaminawan
makatandog nga mga sugid sa kasinatian
nagtukbil sa mga isyu sa kabatan-onan.

Samtang sa mga terminal, haywey ug kadalanan
nga sa pagbahis-bahis og pagbiyahe naagian
matag karon ug unyà adunay masigpatan
kababayen-ang nagsul-ob og hijab o kahâ niqab
(usahay ganì sa bus ikasakay o ikatapad).

Mao kini ang atong Mindanaw,
nagkadaiya ang kaliwat, pinulongan ug pagtuo
mao nga usahay ingon sa magkayagaw
apan kon hatagan og panahon sa kinasingkasing pagpaminaw
ang managsusamang mithì ug pangandoy maaninaw —
ang tanan buot kab-oton ang paglambo ug kalinaw.

Eric S.B. Libre

Did you find apk for android? You can find new Free Android Games and apps.

Comments

comments