WebClick Tracer

TULA: Alay sa mga Frontliners sa COVID-19

(Para sa kawani sa kalusugan, lansangan, basurero, panadero/a, taga palengke, boluntaryo, tagapagpaganap sa barangay, social workers, taga gawa ng batas, nagpapatupad ng batas, bumubutas sa batas, pamilya ng mga pumanaw at lumalaban na wag pumanaw, tagadasal, nagsusulat at naglalathala, nagugutom at namatay sa gutom dahil sa lockdown, atbp)

Sa inyo aming alay
Kayong nagliligtas ng buhay
Meron din kayong pangamba
Bagsik na dala ni Corona

18corona web
The Severe Acute Respiratory Syndrome coronavirus 2 (SARS-CoV-2), which causes the coronavirus disease 2019 (COVID-19). Illustration courtesy of Centers for Disease Control and Prevention (CDC)

Kayong humaharap  sa nakaambang panganib
Nanaig ang katapatan sa sinumpaang katungkulan
Kahit nasa bingit ng kamatayan
Usal na dasal makaligtas sana.

Gapiin ang kamandag ni Corona
Huwag magwagi bagsik ni Corona

Naririnig namin usal ninyong hiling
Taimtim na panalangin
Matapos na sana,  salot ni Corona
Matigil na ang mga palahaw ng mga naulila

Matigil na ang salot na dulot
Matigil na bumabalot na lungkot!
Naririnig namin, taimtim nyong panalangin
Mailigtas ang buhay, di na madagdagan dumaragsang bangkay…
Naririnig namin taimtim nyong  panalangin

Matapos na
Magapi na
Kamandag ni Corona
Upang makauwi naman
Makapiling mga mahal sa buhay!

Dalangin nyo,  tumatagos sa hangin
Dalangin nyo, aming naririnig
Sinasabayan  namin inyong panalangin
Sana’y   makamtan nga inyong hinihiling…

Matapos na
Magapi na
Kamandag ni Corona
Matigil na bumabalot na lungkot
Matigil na takot na dulot
Matigil na…!

(MindaViews is the opinion section of MindaNews. Malou Tiangco is a human rights and peace advocate and a clinical social worker. She has been in development work in the past four decades, in government, NGO, church and the academe).

 

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback