TINGOG MANDAYA: Panaad sa Eleksyon

Humot na kaayo ang eleksyon, patalbugan sa mga advertisements. Ang uban nga dili kahbalo mosayaw, makasayaw na lang intawon aron nindot siya tan-awon nga miduyog siya sa masa, Aron ingnon nga adunay silay karesma. Ang kinauyukan sa ilang mga advertisements mao nga HADUOL GYUD SILA SA MASA.

Segi daw ato daw kining himas-himason aron masuta nato kung tinuod ba gyud kining tanan. Una, Kung imong paminawon ang mga politiko sa ilang pagpamulong madungod gyud nimo nga pinalangga gyud daw nila ang masa. Ngano kaha nga ang masa man gyud ang tumong niining mga politiko? Una, tungod seguro kay ang mga masa dali lang malooy, ikaduha sila man ang habagang duot sa katawhan, ikatulo, seguro pud kay ang masa dali lang maatik niining mga politikong nagtakuban. Ang mga kasagarang gipamulong sa mga politiko mao nga “midagan ko tungod kay gusto nako magserbisyo,” “gusto nako mag-alagad sa mga kabus,” “ug hinaut nga inyo kong tabangan sa pagpadaug.”

Mga linyang lata na, usahay nindot kaayo tubagon nga “atika ang imong lolo dong.” Nganong ingon niini ang akong reaksyon? Tungod kay sa akong naobserbahan human sa eleksyon dili na gyud mahinumduman ang mga masa. Kung atong tan-awon ang kasagarang politiko dili kahinumdom sa ilang mga panaad sa eleksyon. Aduna sila’y ginaingon nga short term amnesia. Ambot ngano kaha nga ingon niini man ang kasagarang mga politiko?

Ang mga masa usab dali lang motuo niining kkase sa katawhan aduna usab silay short term amnesia. Halimbawa ang usa ka politiko nabantog sa iyang lantaran nga pagpangurakot unya napahawa sa pwesto. Kini usahay usab makalimtan sa mga yanong masa. Usahay usab dali lang malimtan sa mga masa nga kasagarang sa mga politko maayo lang mosaad apan sa ilang gipamulong aduna lamay 20 ka porsento and tinuood. Ambot kaha nganong ingon ani ta kadali mawad-an sa memorya.

Karon kay hapit na moabot ang eleksyon kinahangalan atong bairon ang atong mga panghuna-huna aron mahinumduman nato kung unsa man galling ang mga kinaiya niining mga tawhana, dili laman nato sila iboto tungod kay ilado og sikat kaayo siya nga artista o mandudula. Maayo gyud nga ang atong butuhan kana gayong mga makadala sa ilang responsabilidad isip mga trahante sa katawhan.

Dili usab kita magpadala sa salapi nga ipang-apod-apod unya niiing eleksyon, hinumduman nato kung kini ba siya usa tawo nga kahibalo mobuhat sa iyang gipangako kay basin unya nga mipili lang kita og mga tawo apan huyang sa buhat. (Ang MindaViews ang seksyon sa opinyon sa MindaNews. Si Jelieta E.
Mariveles-Ruca, PhD sa Edukasyon, ay aktibo sa Gabriela ug sa Alliance for Concerned Teachers sa dakbayan sa Dabaw).

Comments

comments