TINGOG MANDAYA: Inutil nga COMELEC

Petsa 12 sa Mayo gihatag na og advance payment ang mga Board of Election Inspector o BEI aron magamit nila kini labi na sa pagpalit og pagkaon aron mabalon sa eleksyon, pagpalit og kandila aron adunay magamit sa kasong magbrown-out o flashlight ba hinuon.

Pagrelease sa election paraphernalias, mga forms nga gikan sa COMELEC.

Pagdawat sa mga election returns gikan sa BEI.

Kini ang kanunay nga mga gimbuhaton nga nagabalik-balik panahon sa eleksyon. Kung atong huna-hunaon kung pabalik-balik na aduna na gyud kini na-establisa nga mga pamaagi aron mas mapahapsay pa ang tanan. Ibutang nato ang mga kalisod nga naagian sa mga naandang mga gimbuhaton sa COMELEC makorek kini sa sunod nga eleksyon. Apan sa kasinatiaan nga among naagian isip membro sa BEI pabalik-balik.

Ang mga BEI kasagaran niini sayo kaayo moadto sa mga lugar diin gilatid ang pagkuha o pagrelease sa butang kabahin sa eleksyon. Susama kaganina alas 4:30 sa buntag atoa na ang mga BEI aron mas mapasayo lagi ang paghuman sa mga gimbuhaton. Apan midagan na lang ang oras hangtud miabot ang alas 9:00 sa buntag wala pa gyud intawon nakasukod ilabina ang Talomo District. Klaro nga wal silay proseso tungod kay wala man gyud nila mahatagi og pamaagi ang mga kalisdanan nga nahiaguman sa mga nagserbisyo sa eleksyon.

100 % nga sa pagkuha na pud sa mga eleksyon paraphernalia ug ang paghatod sa resulta pareho gihapon nga kalisud ang again sa mga BEIs. Tinukluray, sinikuhay, maulanan, mapasmo ug masingkahan sa mga taga COMELEC mao gihapon kini ang mga ekssina nga wala gyud mahatagi og solusyon sa mga taga COMELEC.

Sa ingon niining kahimtang makaingon ko nga INUTIL ang mga taga COMELEC. Siyaro na man nga sa sulod sa tulo ka tuig nga wala silay trabaho wala nila hinuktuki ang pagsulbad sa nga ingon niining problemang motumaw panahon sa eleksyon. Intuil sila tungod sa kadugay na sa panahon nga nagaeleksyon pabalik-balik ang mga nasugatan nga kalisdanan sa mga BEI. Inutil sila tungod kay sa sulod sa tulo ka tuig human sa miaging eleksyon wala sila klarong proseso sa pagbuhat sa ilang mga trabaho.

Hoy mga inuti nga taga COMELEC hinumdumi ninyo kanunay nga kung wala mi dili ninyo mabuhat ang inyong trabaho.  Busa tarunga mi ninyo sa pag-atiman tungod kay mga professionals mi.

Ayaw mo pagsobra pagbinulok nga di mo makahatag og maayong solusyon nga nagatumaw panahon niining mga taknaa!

(Ang MindaViews ang seksyon sa opinyon sa MindaNews. Si Jelieta E. Mariveles-Ruca, 37, bag-o lang migradwar sa iyang PhD sa University of Southeastern Philippines. Aktibo siya sa Gabriela ug sa Alliance for Concerned Teachers.)

Comments

comments