-
Adunay mokatwa ug dala panghupaw tungod kay ilang nakita ang grabe nga pagmanipula sa panggamhanang Arroyo sa katawhan. Ang usa ka magtutudlo miingon nga dili nato hikalimtan ang Law of Interrelatedness o matud pa ni Joel Ayala sa iyang huni nga "ANG LAHAT NG BAGAY AY MAGKAUGNAY." Ang panagkabit-kabit sa matag butang adunay gyuy relasyon.
Usa ka ehemplo niini mao ang pagpanghatag sa mga minilyong bahandi ngadto sa mga tawong nasangkot sa scam. Ang pagpang-apod-apod og kwarta ngadto sa matag gobernador. Ang pag-pang-apod-apod og ATM card sa motambong sa rally ni Gloria.
Matud pa sa mga magtutudlo nga kung imong tan-awon minilyon ug daghang milyones ang gihatag lamang aron ang uban magpabiling magpakahilom apan ang mga magtutudlo nga nagtinga sa tumang kalisod wala gayud matagai og patong ang sweldo. Gani, unta kada January ma-release man unta sa GSIS ang dividends sa mga nagtrabaho sa gobyerno apan wala ug daghan gyud ang wala makadawat nga unta yawat na lang kini makatabang sa grabeng pagkalisod sa kasamtangan sa mga magtutudlo.
Unsa pa man unta ang angayang nga butangan ni Pangulong Gloria sa iyang na scam? Libro sa matag eskwelahan, kakulangon sa magtutudlo, kakulangon sa klassrom, kakulangon sa mga building. Unta malipay kita akung ang mga anaa sa itaas makakita niining kahimtang.
Unta makita kini mga problema nga gipresentar sa mga magtutudlo. Unta kanang mga kwarta nga gipang-apod-apod mabutang unta sa maayong kabutangan. Unta makonhod ang problema sa Edukasyon aron mahatagan og quality education and kabataang Filipino. Mao kini ang mga muni-muni sa mga magtutudlo. (Ang MindaViews ang seksyon sa opinyon sa MindaNews. Si Jelieta E. Mariveles-Ruca bag-o lang migradwar sa iyang PhD sa University of Southeastern Philippines. Aktibo siya sa Gabriela ug sa Alliance for Concerned Teachers).