TINGOG SA SUBA: Ting-ulan na Usab (Butuan 2008)

Ting-ulan na usab

ang Kanding ‘di na ka-sabsab

mag-sige na la’g tikuko

kay sa tugnaw ‘di kaagwanta

 

Ambot duna ba kaha’y kuwarta

‘ning akong lola

mopalit unta ko’g raincoat

kay sa katugnaw

ngipin ko ningkagot

 

Baha naman siguro

ang merkado sa langihan

Ninglutaw na pud basura,pastilan!

Unsa man ‘ning drainage system

pirme’ng dili maintain

 

Ang Suba Agusan, bantayi

Ayaw pasagdi ‘pre

Basin sa pagtulog mo

baha kutob na sa ulo

 

Ang Montilla boulevard

wala pa nalapawan

pero kung abtan og usa ka bulan

siguradong dili na makit-an

baroto na ang mag-dagan-dagan

 

Maayo gani kay sa barangay Libertad

‘ko nagpuyo

Di gyud maabtan

Bisan ulan lima pa ka bulan

 

Aw, kung mag-kinaunsa

dakong baha dili kapugngan

sa Bancasi airport modagan

lokat ticket sa eroplano

Sakay padulong sa Baguio

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments