TINGOG SA SUBA: State of the Nation

Wala unta ko’y dapigan
pero ako nakugang
si chief justice diay
hilabihang sapian

pero diyos intawon
ngano man
iyang nakalimtan
pag deklarar
ang dakong kaban

ing-ini diay ning
magka-tigulang?
ambot lang
itanong sa buwan

nakalimtan o tinuyuan?
tinuyuan o nakalimtan?
ambot lang
itanong sa buwan

pero ang ubang
nagpalimot-limot
kay small time man
sa dihang nasakpan
gikasohan, taktak
sa posisyon
morag na-demolisyon

mao na dayon
kung dako kang isda
(o buaya)
ila pang debatihon,
tagod-tagoron
showing pa sa telibisyon
hayahay ang stasyon

morag kapoy naman tan-awon
dili ba diay igo
na ang revelation?

kapait palandungon
chief justice nato
malimtanon, maluibon
unsa na lang ang
future sa nation?

Comments

comments