TINGOG SA SUBA: Mga Politikong Nag-una-una

Pagka wala’y nada

‘ning mga politikong

nagsugod-sugod nag pangampanya

 

layo pa gani

pulos na pa-porma

morag mga langaw

modugok kung asa

ang katawhan nagkahiusa

 

mo-donate kunohay

aron espisyal nga bisita

sa tutuo lang

sa kadaghanan

mga buysita

 

festivals ug fiesta

mga hanggaw atua

instant miting-de-avance

ni kanila

 

speeches dinhi, speeches didto

usik-usik sa panahon

walay kuwenta

 

dili ba sila kahibalo

mo-respeto?

tipon-tipon

sa mga tawo

apilan og

pamulitiko

 

utro pud ning

mga gagmay’ng

lokal nga

mga kuto

opurtunistang ulit

sa balato

wala gyuy ayo

 

kilatan pa unta mo

mokirig inyong ulo

joke lang

(pero tutuo)

 

intawon mga politiko

ipakita una ang agi

serbisyong tutuo

pls puwedi?

 

aron ang katawhan

daling makombinsi

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

 

Comments

comments