TINGOG SA SUBA: Easter

BUTUAN CITY (MindaNews/12 April) —

Maayo diay’ng bation
kung maka retreat ta
gaan ang pamati sa dughan
ug kahiladman

kalinaw ang paga –abtan
kung gakson mo
ang kahilom
ang suba sa unahan
masayon latason

kalimti ang dag-om kagahapon
pasayloa ang tawo’ng
ning-samad kanimo
ug dawata ang kamatuoran karon
niining bahina lamang
masinati mo ang
kabulukon sa kinabuhi

ang kahilom mao ang dalan sa krus
didto sa bungtod adunay nagahulat kanimo
ang lamdag sa adlaw nga mosubang.

(MindaViews is the opinion section of MindaNews. Ramon Jorge B. Sarabosing is a writer and artist who teaches yoga for beginners).  

Comments

comments