ang akong ig-agaw
ning-luspad sa kakuyaw
walay kabutangan sa kahadlok
lupig pa ang ok-ok
simbako oroy
moabot sa Mindanao
mo-landing sa crater sa Mt. Apo
dli ba kaha intawon kini moulbo
ug kita makalbo
bisan gipasaligan siya
layo ra kaayo ‘ta
pila’y pusta, hagit niya
suko kaayo siya sa North Korea
unsa’y maayo manimalos ‘ta
ibala nato si miriam
tan-awon ta dili ba sila
moundang sa ilang binuang.
miabot ang adlaw sa hukom
apan unsa ba
wala pa gani maka-panukad
ang rocket ningtowad-baliskad
mirisi ninyo mga gahi’g ulo
ang akong ig-agaw
walay kabutangan sa kalipay
bahalag napildi sa pusta
basta nag-ginhawa gihapon kanunay.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)
