TINGOG SA SUBA: Ulan, Baha, Brown-out

wala ko’y problema
kung mag-ulan
dayon mag-baha
usa ka semana

dili na lang
gud problemahon
kay pagbuot
man sa makagagahom

pero kung brown-out
sa kaadlawon
hangtud sa kagabhion
mora’g dili na makaangayon

kapait nga pagabation
dili magamit ang aircon
hilabihang kainit
walay samang kasakit

walay tv,sounds, internet
lupig pa ang puasa
sa semana santa
puwerting hasola

sa laing bahin ok ra
kalinaw sa balay
gikinahanglan panagsa
mga bata sa libro magbasa
mga edaran mag-exercise
na lang

promise lang
dili paga-permihon
kay maaborido
gyud ang saputon
kong igsoon.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

 

Comments

comments