ug karong kita naka-ginhawa na
sa pag-patalsik ni Ginoong Corona
mang-hinuklug kita sa pulong palusot
kay sa tutuo lang halos kita tanan
dili kaipsot
mahilig kaayo ta sa palusot
kung dili gusto dayon bagutbot
gani lagayan ang padulngan
koruption ang pangalan
gamhanan ug ordinaryong tawo
common na kaayo
sa gobyerno ug pribado
mga batan-on niining henerasyon
asa kaha sila padulong?
susiha ang imong konsiensya
ang imong pagka-tawo hunahuna-a
aduna ba’y diperensya?
basin pareho ra ka ni CJ Corona
Ay! kaluoy sa nation ta.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)