TINGOG SA SUBA: Scarborough

mga insik
gustong panag-iyahon
dagkong bato sa
dagat ning-usbong

ngano dili naman
lang nato sila
hatagan og bato
sa baybayon
siyaro dili
sila mopahiyom

siguradong daghang isda
o mineralis sa ilalom
dili na lang ba
puweding tungaon
ug bahinon

mao ni ang problema
garbo nga walay sama
kahakog sa bahandi
dili mabali

puwedi ba
ayaw unya ihulog sa giyera
usik-usik sa bala
walay kalaki ang binombahay
war freaks ra ang malipay

iagi ang bikil
sa dalan sa diplomasya
istorya dili karambola
sibilisado na
kalibutan ta.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments