ang pag-wala’y sala
sa mga peryodista sa Butuan
kadaugan sa gawasnong pamahayag
kadaugan sa kamatuoran
kadaugan sa katawhan
nagtuo ang kanhi mayor
iyang mahuraw ug mapalit
ang tanang taga media
dinhi nasayop siya
dili tanan moyukbo
dili tanan mahadlok
sa mga opisyalis
nga pangutok dubok
mga kwestionable’ng transaction
ug minaro’ng pang-limbong
niining mga baga’g nawong
angayan lamang
sa katawhan isumbong
mao ni ang rason
kung nganong angay
sumpuon ang political dynasty
kay sa dugang panahon
gigamit kining hinagiban
batok sa katawhan
batok sa kalamboan
batok sa kamatuoran.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)
