TINGOG SA SUBA: Glory Be to the Bishops

Ako nakatawa

sa balitang si glory Bee

nagpatabang og ampo

sa mga obispo

unsa ni, paningil

na sa pabor nga

hihatag kaniadto?

hala mo mga obispo

iampo gajud tamantaman ninyo

nga siya maabsuwelto

kay basin unya

pakapinan na pud og pajero

 

pero yuna pa, kung wala siya’y sala

nganong magpalaban man

ka-afford man pud siya

og mga abugadong tang-an

 

kung di na gyud madala

pila ra ba kunuhay pagsakay

sa wheelchair ug magpa-opera

sa utok, atay, baga, bisan asa

 

pero ang pangutana

maka-ipsot ba kaha

ang tawo sa karma

tan-awa si Corona

 

ambot lang sa mga obispo

basin sila mismo

naglibog pud ang ulo.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments