TINGOG SA SUBA: Masaker!

ang akong amigong amerikano

mahadlok moanhi sa mindanao

kay wala daw dinhi kalinaw

grabe kuno kakuyaw

kidnapping dinhi, kidnapping didto

giyera dinhi, giyera didto

masaker dinhi, masaker didto

hold-up dinhi, hold-up didto

naka-ingon ko, simbako!

 

dili pud intawon kanunay

dili pud intawon adlaw-adlaw

dili tibuok mindanao

intawon puy-an makuyaw

daghang parte nga malinaw

ug layo sa kakuyaw

 

pero unsaon man

nga ang imahe

ning-pilit na man

unta kini mapulihan

kay dinhi baya

its more fun

kay variety ang makit-an

 

kung moingon sila

adunay masaker dinhi

duna man pud

masaker sa ilaha

kung dunay kagubot

ug hold-apan dinhi

wala ba pud diay sa ilaha?

mas grabe pa gani

kay naka-batman’ng nakamaskara

 

sa tutuo lang

ang langit ra ang lugar

nga puy-ang malinaw.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Comments

comments