TINGOG SA SUBA: Basura!

kung hunahunaon gyud
kasagarang balita sa
primetime news tv
wala gyuy nada
halos basura

ang headlines kung dili
banggaan sa edsa
krimen sa Espania
skandalo sa artista
(national tv kuno
pero pulos manila ang nahiuna)

sa probinsiya
mao lang gihapon
kulang na lang
balita’ng tigulang
nawala ang ngipon

pang-tabloid na lang
gyud ba ang hibaw-an nila?
balik-balik na lang
walay pulos, walay unod
kinsa uroy ganahan?

mao daw ni gusto sa masa
baluktot nga rason nila
dili ba kini pag-underestimate
sa pang-hunahuna sa masa?

O national primetime media
mag-isip-isip ka na!

(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)

Comments

comments