WebClick Tracer

TINGOG SA SUBA: Gulayan, Sagingan, Minahan

dili ka mabalaka
sa balitang
mga umahan’g gulayan
sa plantation sa saging
ug minahan
hinayhinay’g gipulihan?

unsaon na lang
kung pipila ka tuig karon
wala na’y gulay nga mapalit?
(magniwang ug maluya ka
wala ka na’y sustansya)

ang mahitabo
pirme na lang ba
‘ta kaon og saging
nga sa chemicals inisprayhan
ug lamon sa bulawan?
Inum pud sa tubig
nga sa mercury sinagulan?
O Diyos ko! Panabangan!

sa laing bahin
mga basakan sa humay
mangawala na pud hinay-hinay
kay gipang-tarukan
na og subdivisions
inabagan sa resolutions

duna pa ba kaha intawon
bugas nga mapalit puhon?

asa naman unya mananom
ang mga mag-uuma
nga sa yuta gihikaw kanila?
(sa tuktok sa Mt Apo?)

Ambot lang sa Langaw
nga tingali nag-problema
kung asa mamahaw.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback