TINGOG SA SUBA: End of the World?

5 September 2012

ug ang mga tawo nanagan
ngadto sa kadalanan
taliwala sa ulan
sa dihang ningtay-og
ang kalibutan

sa kahadlok
nanghilak ang kababaenhan
mga bata nangurog
mga tigulang wa’ katingog

ug sa kalit ningkilat
ning-doble ang kahadlok
ug kalisang

Linog! ulan! kilat ug brown-out!
Pastilan! nagdungan
daw walay kaundangnan

Ginoo na lamang
ang saligan
Lord! Lord!
tawag sa kadaghanan

ngitngit ang palibot
goodbye world
Lord! Lord!
mao na kaha ni ang
end of the world?

salamat na lang ning-undang
ug nalipong ang tanan
sa cellfone nagtawagan
kumusta na mo diha?
wala ba’y ninghagsa?

dili lalim tinuod
kung mahiagom
sa kusog nga linog
pakapinan sa kilat
ulan ug brown-out
Lord! Lord!

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

 

Comments

comments