TINGOG SA SUBA: Baktin

BUTUAN CITY (MindaNews/04 Nov) —

purhisyo gayud tinuoray
kung magbuhi ka og baktin
hasol bantayan
kay puwerti ka laagan

bisan asa abot
dili magpadaplin
bisan asa manungad
sa kalsada man
o sa garden

kung imong gukdon
paspas pa sa kilat
busa banat!
basin ka malipat

dimalas ka kung
musutoy ug motago
igo ka na lang
mag lingo-lingo

mao ni ang baktin
cute man tuod
pero marukoy
puwerti ka idlas
nga mamoy

hala mga bata ug silingan
lihok na kamo
abtik kay
dako ang premyo
ipalit unya ninyo
og auto
hayahay pa sa multo.

(MindaViews is the opinion section of MindaNews. Ramon Jorge B. Sarabosing is an artist and writer based in Butuan City)

 

Comments

comments