kinsa’y nag-ingon nga
aduna’y Catholic vote?
pag-kadakong binutbot
nakaminos na lang ba sila
sa masang Katoliko?
ug kining mga politiko’ng ningtuo
angay sa kanyon ipatiro
kay wala gigamit ang ulo
kung duna may Catholic vote
siguro mga pari ra
ng determinado
molawgaw sa damgo
sa mga tawo
nga haruhay unta
ang pamilyang gi-plano
dili molampas sa kuwatro
aron dili ma-mwerhisyo
apan unsaon ta man
mga politiko
hakog sa boto
walay barugana’ng
numero uno
mutuo sa pang-hadlok
sa mga obispo
pasayloa na lang
sila O Diyos ko!
(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)
