wala pa gyud
diay people makat-on
sa niaging mga lesson
dili lagi mosalig
sa humot nga patubo
unsaon na lang
ang kabaw ni Inday
sa ilalom sa tulay
nabaligya kay
aron sa milyong
patubo, maharuhay
Patay!
ulahi na gyud
ang pagbasol
kadakong kaguol
nahutdan sa paglaom
ang uban intawon
ning-pahulay na lang
og dayon
asa pa man kuhaon?
mabalik pa ba intawon?
ang mastermind
nahimong tagulilong
dili lang siya dapat makulong
ibahog unya kang Lolong.
(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)