Karon wala na’y rason
nga kita dinhi magmatngon
kada bagyo moabot o molabay
pagandaman tinud-aray
aron trahedya dili mautro
dili mag-antos mga tawo
tukoron evacuation centers nga malig-on
kinahanglan materyales dili baratuhon
basin mga atop mapalid ra gihapon
kontrolon ang pagbalay daplin sa suba
dili maayo kada bagyo magbanabana
political will ang kinahanglan
wala ra ba’y santo ang katalagman
busa pud lagiiii
dili hilabtan ang kabukiran ug kalasangan
apan unsa man pud kuno’y laing panginabuhian
tubag sa mga hingtundan
dili man sila ganahan mananom og gulayan
mao ni karon ang problema
duna ba kita’y mapilian
panginabuhian o dagmal sa kinaiyahan
Asa ka mopili, Mindanawan?
