TINGOG SA SUBA: Ningtipas

salamat na lang

ang bagyo ningtipas

kay sus ginoo!

lain na pud

untang dimalas

 

pero adlawg christmas

dag-om sa gawas

ampo unta kini mapalid

didto sa kilid-kilid

ayaw lang sa bukid

kay mag-baha ug landslide na pud

samot na ta ka uyayod

 

dili lalim ang kalisod

nga naangkon

sa katawhang gigutom

nawad-an sa panimalay

ang uban sa Dios nagmahay

 

busa dakong pasalamat

si Quinta nilabay ra

sa unahan

siguro nadala sa pag-ampo

ningtipas gyud palayo.

 

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)

 

Comments

comments