TINGOG SA SUBA: Kaldero vs pabuto

ang akong inahan

gikan sa pultahan

magdagan-dagan

dukdok sa kaldero

saba kaayo

pero okey lang

kay new year man

abugon ang spirito’ng dautan

 

didto sa kadalanan

mga batan-on nagpabuto

bisan unsa lang

libintador, aparador, dominador

okey lang

bahala’g kamot putlan

new year man

 

colorful kaayo

ang kalangitan

lingaw kaayo ang tanan

except mga iro ug aswang

nagkurog kay gikuratan

 

dayon ang baho

mga pabuto ningkamang

akong ilong di ganahan

simbako’ng hubakon ‘tang tanan

Dali! sa sulod dagan!

 

panira bentana ug pultahan

dinhi na lang ta

kaldero ug plato

dukdok tibuok kalibutan

happy new year sa tanan!

 

Comments

comments