Bulan karon sa Santo Nino
ang balaang bata’ng si Kristo
sa Cebu, Libertad, Iloilo
ug nagka-lain-laing baryo
usa ang singgit sa mga tawo
Pit Senyor! Dali na mag-pit Senyor!
Sayaw sa atubangan sa simbahan
mga bata ug inahan
ambot asa mga amahan
siguro nag-inuman sa tindahan
colorful mga costume sa kabataan
nga nag-indak-indak sa kadalanan
pero ang uban walay kalipay
murag sa sayaw nagmahay
walay kabuhay-buhay
kulang pa ang dagkong tarpulin
mga politiko kunohay nag sayaw-sayaw
bisan dili angayan, walay karapatan
kumbati kay publicity man
pono gyud ang grandstand ug kadalanan
pista’ng walay kinutuban, inom, kaon
walay katapusan
sa sunod adlaw, kulob ang kaldero
ing-ini mga anak sa Ginoo.
