Karong semanaha
si Jestony Lanaha
maoy akong bida
dili si migs, koko
chiz, heart,
james ug kristita
away nila wala’y nada
baho pa sa basura
pero si jestony ug iyang papa
matandog ug makapang-hinuklug ka
tuba tuod adlaw-adlaw gi-kolekta
pero ang anak
ning- graduate sa pma
valedictorian ang agi
pastilan kinsa’y magdahom
pero kung ang damgo ubanan sa ka-kugi
modaog gyud mga mare, pare
pag-minahalay ug respeto
gisabwag sa mga Lanaha
kabus man tuod sila
pagka-tao nila, dili basta-basta
sukwahi sa mga taga-showbiz-pulitika
inilang mga tawo
dunot ang prinsipyo.
(MindaViews is the opinion section of MindaNews. Ramon Jorge B. Sarabosing is a writer and artist based in Butuan City)
