TINGOG SA SUBA: Vote wisely

kada election pildi si Wisely
wala gyud oppurtunity
ambot, ang nasud alkansi

pirming iwit si Wisely
unsaon, powerful ang mga paryenti
hibalo na ka, dynasty

blagadag kanunay si Wisely
sa nasud nga nagbaha ang pobre
matingala ka pa ba, pre?

unsa kaha’y future ni Wisely
nga uto-uto man
kasagarang botante.
dili kaha ka makonsumi?

fighting spirit na lang, Wisely
ayaw kawala og paglaum
basin puhon (puhon)
dynasty ug kawad-on
mahagba ra gihapon.

(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)

Comments

comments