Wad-on na daw ang pork barrel
pero alisdan lang ang pamaagi
murag gi-magik-magik ra ni
kinsa ma’y dili sayangan
milyon-milyon baya
ang kababoyan
walay paki sa pakapalan
senatong, tonggressman,
secretary, kumare, pesti!
dili na ta mutugot
niining mga kabulastugan
leksyonon ta sila
hangtud motikangkang
insakto na ang bagulbol
undangon ang pag-pakahilom
mga kalagot dili na iugom
duyog sa panawagan
tapok-tapok, martsha, protesta
tingog magkahiusa
pangayuon ang hustisya
taxpayers, panahon na!
